Engar frímínútur eru hjá Grunnskólanum. Þó er leikur mikilvægur hluti námsins og styttir barninu um leið stundir og auðveldar því að vinna úr aðstæðum sínum og ná aftur heilsu. Því er náið samstarf milli Grunnskólans og Leikstofu Barnaspítalans þar sem mikið er föndrað, spilað, pússlað og kubbað. Oft leika börnin sér ein eða við fullorðna sem hjá þeim eru.

 

Flestir nemendur eru í Barnaskóla Hringsins í örfáa daga eða vikur. Eins og hjá öðrum börnum eru uppáhalds leikirnir þeirra ýmsir boltaleikir og hópleikir. Þegar skyggnst er í dagbækur barnanna kemur í ljós að þau eru að „föndra heilan helling“, spila, kubba, horfa á sjónvarp og spila tölvuspil.