Saga daganna
2. júlí - Þingmaríumessa
Vitjunardagur Maríu meyjar er 2. júlí, ein af sjö helstu Maríumessum ársins. Þá vitjaði María Elísabetar móður Jóhannesar skírara. Grámunkar innleiddu daginn í Rómarkirkjunni á 13. öld og páfi viðurkenndi messuna 1389.
Á Íslandi bar daginn fram til 1700 upp á miðjan samkomutíma alþingis og er nafnið Þingmaríumessa þannig til orðið. Helgi þingmaríumessu var ekki aflögð fyrr en 1770 en tímasetningar oft við hana miðaðar síðan.
