Sýningin Með silfurbjarta nál - spor miðalda í íslenskum útsaumi var haldin í Bogasal Þjóðminjasafnsins 9. september 2007 til 29. apríl 2008. Sýningin var afrakstur rannsókna Elsu E. Guðjónsson textíl- og búningafræðings sem lengi starfaði við Þjóðminjasafnið og rannsakaði íslenskan myndsaum á miðöldum. Í tengslum við sýninguna var útbúið efni fyrir kennara til að styðjast við í heimsóknum og gerðar hafa verið tillögur að verkefnum. Með silfurbjarta nál varð skemmtilegur vettvangur fyrir mynd- og handmenntakennara til að kynna gamalt íslenskt handverk og nýttist á margvíslegan hátt í kennslu. Þótt sýningin hafi verið tekin niður núna má enn þá nýta verkefnin. Þau má prenta út eða skoða hér að neðan.