Grunnskólar

1.-2. bekkur í Þjóðminjasafni á Suðurgötu

Fyrrum átti ég falleg gull: Baðstofulíf

Í heimsókninni fá nemendur að kynnast safninu. Lögð er sérstök áhersla á daglegt líf á sveitaheimilum á Íslandi fram á 20. öld, svo sem matseld, tóvinnu og leik. Nemendur fá að handfjatla eftirgerðir gripa til að setja sig í spor heimilisfólks torfbæja við leik og störf. Baðstofa er skoðuð og vöngum velt yfir því hvernig lífið hafi verið áður fyrr.

Markmið:

  • Að nemendur viti hvers konar munir eru geymdir í Þjóðminjasafninu og af hverju þeir eru geymdir.
  • Að nemendur fái innsýn í daglegt líf í torfbæ; húsverk, handavinnu og frístundir, svo sem leiki barna og kvöldvökur í baðstofunni og beri saman við sinn eigin raunveruleika.
  • Að nemendur fái jákvæða og skemmtilega reynslu af safnheimsókn

 Fyrirkomulag heimsóknar:

1 bekkur

Tekið er á móti hópnum í anddyri safnsins. Nemendur hengja upp útifatnað í fatahengi í kjallara og setjast á bekk í anddyri þar sem safnkennari býður þá velkomna. Hann kynnir dagskrá heimsóknarinnar og fer yfir þær reglur sem gilda á safni. Næst er gengið upp í kennslustofu þar sem safnkennari segir frá og nemendur fá tækifæri til að handfjatla gripi. Í framhaldi er gengið upp á efri hæð grunnsýningarinnar til að skoða baðstofu og þá gripi sem henni tengjast. Að lokum er farið aftur niður í anddyri, nemendur fá sér sæti á bekkinn eða í tröppurnar og safnkennari afhendir myndaspjöld og kveður hópinn.

Heimsóknin tekur um klukkustund. 

Vinsamlegast sendið beiðni um bókun á netfangið kennsla@thjodminjasafn.is eða hafið samband í síma 5302254 eða 5302255.