Minningar úr héraðsskólum
Þjóðminjasafn Íslands sendir nú út spurningaskrá um minningar úr héraðsskólum og öðrum heimavistarskólum til sveita á unglingastigi. Söfnunin byggir eingöngu á frásögnum fyrrverandi nemenda og er því fyrst og fremst verið leita eftir minningum fólks.
Spurningaskráin er hluti af þjóðháttasöfnun Þjóðminjasafns Íslands sem staðið hefur óslitið síðan 1960. Spurt er um hefðir, félagslíf, ýmisleg samskipti við aðra nemendur og starfsfólk skólans, kennslu, nám, frístundir, tengsl við fjölskyldu og heimili o.fl.
Þjóðminjasafnið leitar eftir heimildarmönnum sem vilja svara þessari spurningaskrá. Hægt er að velja um að svara beint á netinu eða í ritvinnsluskjali (Word). Hér tengill spurningaskrána: http://sarpur.is/Spurningaskra.aspx?ID=1745729.
Afrakstur söfnunarinnar verður gerður öllum aðgengilegur í menningarsögulega gagnagrunninum Sarpi eða sarpur.is, nema að annað sé tekið fram.