Árlegir viðburðir

Áttu forngrip í fórum þínum?

Tvisvar á ári, í mars og nóvember, býðst gestum að koma með gripi í greiningu til sérfræðinga safnsins. Margir eiga í fórum sínum erfðagripi eða ættargripi en vita lítið um uppruna þeirra og leikur þá kannski forvitni á að þekkja á þeim nánari deili.

Sunnudaginn 4. nóvember kl. 14-16 gefst fólki kostur á að koma með eigin gripi til greiningar hjá sérfræðingum Þjóðminjasafns Íslands. Greiningin er ókeypis og fer fram í fyrirlestrasal safnsins á 1. hæð. Á tjaldi í fyrirlestrasal er sýnt fræðsluefni um meðhöndlun gripa inni á heimilinu. Athugið að hámarksfjöldi gripa til greiningar eru 3 hlutir á mann.

Víða á heimilum fólks eru fornir eða gamlir gripir. Sumir eiga í fórum sínum erfðagripi eða ættargripi án þess að vita með vissu hve gamlir þeir eru og leikur þá kannski forvitni á að þekkja á þeim nánari deili. Þetta geta verið útskornir munir, skart eða hvaðeina sem virðist vera gamalt. Gripir þurfa alls ekki að vera frá miðöldum til að teljast gamlir og má í því samhengi benda á að grunnsýning Þjóðminjasafnsins „Þjóð verður til“ spannar öll 1200 árin í sögu Íslandsbyggðar, frá landnámstíma til 20. aldar. Þannig eru margar nýjungar síðustu áratuga nú orðnar „gamlar“ eða „fornlegar“.

Tekið skal fram að á þessum viðburði verður reynt að greina gripi út frá aldri, efni, uppruna, o.s.frv. Starfsmenn safnsins meta ekki verðgildi gripa. Eigendur taka gripina með sér aftur heim að lokinni skoðun.

Thor-Magnusson

 

Sumardagurinn fyrsti

Sumardagurinn fyrsti hefur verið barnahátíð í Reykjavík frá árinu 1921. Í Þjóðminjasafni Íslands fögnum við á hverju ári sumarkomu með skemmtilegri fjölskyldudagskrá, listasmiðjum, leiðsögn og mörgu fleiru.

Lesa meira
hola hoops

Menningarnótt

Menningarnótt sem haldin er á hverju ári í ágúst, hefur skapað sér fastan sess í hugum Reykjavíkurbúa.

Lesa meira
Jóladagskrá

Jóladagskrá

Þjóðminjasafn Íslands býður á hverju ári upp á líflega jóladagskrá. Dagskráin hefst fyrstu helgi í desember. Að auki er boðið upp á fjölda jólasýninga og sérstakur jólaratleikur bætist við aðra fjölskylduleiki safnsins.

Lesa meira
Þjóðbúningadagurinn

Þjóðbúningadagur

Þjóðbúningadagur Þjóðminjasafns Íslands hefur undanfarin ár verið haldinn í mars, í samvinnu við Þjóðbúningaráð og Heimilisiðnaðarfélag Íslands.

Lesa meira

Safnanótt í Þjóðminjasafni

Vetrarhátíð hefur verið árlegur viðburður á höfuðborgarsvæðinu frá árinu 2002.  Sundlauganótt, Safnanótt og Snjófögnuður eru meginstoðir hátíðarinnar. Allir viðburðir hátíðarinnar eru gestum að kostnaðarlausu og geta því allir borgarbúar notið kraftmikils menningarlífs og góðrar samveru yfir alla hátíðina. Þjóðminjasafnið býður uppá skemmtilega dagskrá frá kl. 18 - 23 á Safnanótt. Ókeypis aðgangur og dagskrá fyrir alla aldurshópa.

Lesa meira

Árlegir viðburðir

Engin grein fannst.