Sýningar í gangi

Bókverk

Frá skapandi prenti til útgáfu listamanna

  • 7.6.2018 - 2.6.2019, 10:00 - 17:00, Safnahúsið við Hverfisgötu

Á þessari sýningu bókverka eru dregin fram áhugaverð dæmi um skapandi prentverk, bókband og tilraunir með form bókarinnar úr safneign Landsbókasafns Íslands – Háskólabókasafns. 

Leitað er fanga allt aftur til loka 19. aldar og eru verkin sett í samhengi við bókagerð listafólks fram til dagsins í dag. Dieter Roth (1930- 1998), sem var einn af frumkvöðlum bókverkagerðar í heiminum, vann sín fyrstu bókverk hér á landi í kringum 1957 og ruddi brautina fyrir bókverkagerð íslensks listafólks.

Á meðan á Listahátíð í Reykjavík stendur verður sérsýning á bókverki Eyglóar Harðardóttur, Sculpture (2016), þar sem frumgerð verksins verður sýnd í Lestrarsal Safnahússins.

Sýningin er sett er upp í tilefni af 200 ára afmæli Landsbókasafnsins en innan safnsins er nú aukin áhersla á sérstöðu bókverka í safnkosti.