Viðburðir framundan

Alþjóðlegi safnadagurinn

2 fyrir 1 af aðgangseyri í Safnahúsið við Hverfisgötu

Alþjóðlegi safnadagurinn er haldinn hátíðlegur 18. maí 2018. Markmið alþjóðlega safnadagsins er að kynna og efla safnastarf í heiminum. Yfirskriftin þetta árið er ofurtengd söfn: ný nálgun, nýir gestir.

Í tilefni alþjóðlega safnadagsins verður 2 fyrir 1 tilboð á aðgangseyri í Safnahúsið við Hverfisgötu. 

Í Safnahúsinu við Hverfisgötu er sýningin Sjónarhorn á fjórum hæðum hússins. Í sérsýningarrými er sýning í tilefni 135 ára afmælis Þjóðskjalasafns Íslands. Nefnist hún Spegill samfélagsins 1770, almúgi og embættismenn skrifa Danakonungi. Einnig er hægt að koma við í safnbúð og á kaffihúsinu Júlía & Julia.

Samfélag nútímans býr yfir fjölmörgum og ólíkum samskiptaleiðum. Hugtakið ofurtengslamyndun (e. hyperconnectivity) var sett fram árið 2001 og merkir þær fjölmörgu samskiptaleiðir sem okkur standa til boða. Leiðirnar breytast og verða flóknari með hverjum degi. Í tilefni af safnadeginum er upplagt að merkja myndir og færslur með myllumerkinu #safnadagurinn og #MuseumDay á instagram, twitter og facebook.

Alþjóðlegi safnadagurinn er haldinn ár hvert þann 18. maí af International Council of Museums (ICOM). 35.000 söfn í 140 löndum taka þátt. Nánar er hægt að lesa um Alþjóðlega safnadaginn á síðu Félags íslenskra safna og safnmanna , FÍSOS og á síðu International Council of Museums, ICOM.

Verið öll hjartanlega velkomin í Safnahúsið við Hverfisgötu.