Viðburðir framundan

Heiðnar grafir í nýju ljósi - sýningin opnuð

Úrval gripa sem fundust við fornleifarannsókn á Dysnesi við Eyjafjörð verður til sýnis í Þjóðminjasafni Íslands. Sýningin verður opnuð miðvikudaginn 9. maí kl. 12. Athöfnin hefst á erindi í fyrirlestrasal Þjóðminjasafnsins og að því búnu verður gengið að sýningarsvæðinu. 

Árið 2017 fundust sex kuml á Dysnesi við Eyjafjörð. Rannsókn á þeim hefur varpað nýju ljósi á greftrunarsiði í heiðni. Bæði er staðsetning kumlanna óvenjuleg og stærð hauga og mannvirkja sem voru yfir gröfunum. Augljóst er að hreyft var við öllum kumlunum í heiðni.

Í kumlunum fundust margvíslegir gripir. Þar á meðal sverð, spjót, nælur, silfurhringur og perlur. Tveir einstaklingar voru heygðir þar í bátum. Við rannsókn á kumlunum komu í ljós um 900 naglar, flestir bátsaumar. 

Sýningin er samstarfsverkefni Fornleifastofnunar Íslands ses. og Þjóðminjasafns Íslands. 

Úrval gripa sem fundust við rannsóknina á Dysnesi verður til sýnis í Þjóðminjasafni Íslands.
Sýningin verður opnuð miðvikudaginn 9. maí kl. 12. Athöfnin hefst á erindi í fyrirlestrasal Þjóðminjasafnsins og að því búnu verður gengið að sýningarsvæðinu. Léttar veitingar verða í boði. Verið öll velkomin.