Ljósmyndir eftir íslenska ljósmyndara sem vekja spurningar um vinnumenningu og barnauppeldi á Íslandi á fyrri hluta 20. aldar.

Með sýningunni og í samnefndri bók, kynnir Æsa Sigurjónsdóttir listfræðingur og sýningarhöfundur, rannsóknir sínar á útliti og klæðaburði Íslendinga í ljósmyndum frá 1860 til 1960.

Ljósmyndir norska útgerðarmannsins og áhugaljósmyndarans Hans Wiingaard Friis frá árum hans á Íslandi í byrjun 20. aldar.

Ljósmyndirnar úr safni hins þjóðþekkta Guðna í Sunnu, blaðamanns, ljósmyndara og ferðamálafrömuðar eru eins og tímasneið frá árunum 1946 til 1960. Þetta eru þjóðlífsmyndir víða að af landinu frá miklu umbrotaskeiði í sögu þjóðarinnar. Þar má sjá fólk við hversdagslega iðju og alls konar störf úti og inni.

Úrval ljósmynda Guðna Þórðarsonar blaðamanns og ljósmyndara frá ferðum um byggðir Vestur-Íslendinga í Kanada og Bandaríkjunum sumarið 1955.

Sýningin samanstendur af úrvali ljósmynda Einars Fals Ingólfssonar og endurgerðum af hluta þeirra verka sem W.G. Collingwood vann hér á landi sumarið 1897, en Einar Falur ferðaðist í fótspor Collingwoods rúmum 110 árum seinna og myndaði sömu staði.

Ljósmyndir eftir hinn heimsfræga bandaríska ljósmyndara Mary Ellen Mark af íslenskum börnum sem eiga við margskonar fötlun að stríða. Myndirnar voru teknar í Öskjuhlíðarskóla, Safamýrarskóla og í Lyngási haustið og veturinn 2006-2007. Á sýningunni eru einnig ljósmyndir Ívars Brynjólfssonar af skólaumhverfi barnanna.

Haustið 2009 heimsótti Samstarfshópur safna um leiki barna tíu ára börn í níu grunnskólum víðsvegar um landið. Rætt var við hátt í 200 börn um leiki og áhugamál þeirra, en þetta var liður í rannsókn átta safna á leikjum tíu ára barna á Íslandi árið 2009. Niðurstöður verkefnisins má sjá á farandsýningunni Ekki snerta jörðina!