Tímabil
800-1000 Upphaf Íslandsbyggðar
Vegna legu sinnar var Ísland óbyggt lengur en flest lönd heimsins. Fyrir rúmum 1100 árum byggðist landið fólki sem kom einkum frá Noregi. Hér var konungslaust samfélag þar sem goðar réðu mestu.
Maðurinn hafði byggt jörðina í milljónir ára þegar leið hans lá til Íslands. Á víkingaöld smíðuðu Norðurlandabúar loks svo fullkomin skip að menn gátu siglt hingað frá Noregi og norrænum víkingabyggðum á Bretlandseyjum. Búseta hófst í landinu um 870.
Margt hlýtur að hafa verið framandi. Skógar voru aðallega lágvaxið birki og graslendi var ríkulegt. Landnemar hafa ekki kynnst eldgosum eða gjósandi hverum fyrr en á Íslandi.
Enginn konungur réð yfir Íslandi en goðar, heiðnir höfðingjar landsmanna, stofnuðu eitt þing fyrir allt landið. Um aldamótin 1000 tóku Íslendingar kristni.
Gripir 9. og 10. aldarLykilgripur tímabilsins: Þór eða Kristur?
Stiklur úr sýningunni
- Landið við landnám
- Uppruni landnámsmanna − Hvaðan komu þeir?
- Landið numið −Fyrsti veturinn
- Lifað af landinu −Byggð og bú
- List víkingaaldar −Stílgerðir
- Víkingar á Íslandi −Viðskipti og vopnaskak
- Heiðni og kristni −Annað líf
- Á mörkum heiðni og kristni −Kristnitaka
