Tímabil
1800-1900 Þjóðin og þéttbýlið
Á 19. öld tóku Íslendingar stefnu á að mynda sérstakt þjóðríki. Fjölbreytni í atvinnulífi jókst með útgerð þilskipa. Verslun margfaldaðist og vísir að borgarastétt varð til.
Myndun þjóðríkis og fyrstu skref lýðræðisþróunar fylgdust að. Árið 1845 fengu Íslendingar ráðgjafarþing, Alþingi í Reykjavík. Árið 1874 fékk þingið löggjafarvald. En kosningarétt hafði aðeins um helmingur uppkominna karlmanna.
Fiskveiðar jukust. Tekið var að veiða á þilskipum sem sóttu fiskinn lengra og fiskuðu lengur á hverju ári en opnu árabátarnir. Þilskipin gerðu mögulegt að hafa fiskveiðar að aðalatvinnu. Þó var alltaf aflað meiri fiskjar á árabátum en þilskipum.
Lykilgripur tímabilsins: Skautbúningur Sigurlaugar í Ási
Stiklur úr sýningunni
- Baðstofan −Vinna og samvera
- Árabáturinn −Siglt og róið
- Þilskipaveiðar −Hákarl og selur
- Menning og menntun −Listamaðurinn og félagsmenningin
- Ljósmyndun −Sjálfsmynd − ímynd
- Þjóðríkismyndun −Fyrstu skrefin
- Leiðtoginn og borgaramenningin −Vísir að borgarasamfélagi
- Á faraldsfæti −Landpóstar, vermenn og flakkarar
- Bústaðaskipti −Búferlaflutningar og vistarband
