Hnausastunga

Hvaða kröfur vour gerðar til jarðlagsins, sem hnausar (kekkir, snidda o.s.frv.) voru stungnir í? Voru hnausar nefndir eftir gróðurlaginu, sem þeir voru stungnir í (mýrarhnausar, valllendishnausar)?
Var miðað við góða stungu og vonda stungu, er rætt var um jarðlag, þar sem hnausar (kekkir) voru stungnir? Var orðið velta (góð eða vond) notað á sama hátt um jarðlagið, gerð þess og um leið sandlag, er hnausinn valt á? Var orðið pálstunga notað um venjulega þykkt hnausa og þá miðað við lengd pálblaðsins? Miðaðist hugtakið “stunguþíð jörð” við þetta sama (þ.e. eina pálstungu)? Hvað nefndist starfið við að stinga hnausa (kekki)? Hvað nefndist maður, sem að þessu vann (stungumaður t.d.)? Hvað þóttu hæfileg afköst við hnausastungu (kekkjastungu) á degi, t.d. miðað við mismunandi gerðir af hnausum? Keyptu menn leyfi til hnausastungu í annarra landi? Lýsið því.