Hestaverkfæri og plægingar.

Á hvað ári eða árum hefst jarðabótavinna með hestaverkfærum (plógur, herfi)? Voru einstakir menn á eigin vegum, á vegum búnaðarfélaga eða annarra aðila, er ferðuðust um sveitir og unnu sáðsléttur að öllu leyti með plægingu, herfingu, sáningu, völtun o.s.frv.? Voru einstakir bændur, er önnuðust þetta að öllu leyti, hver fyrir sitt heimili? Segið frá einstökum mönnum, sem að þessu unnu. Segið frá frumkvæði búnaðarfélaga eða annarra aðila í þá átt að örva bændur til aukinna ræktunarstarfa með atbeina hestaverkfæra. Hvernig var greiðslum háttað til plægingarmanna? Voru plógar íslenskir að smíði (Ólafsdalsplógar t.d.)? Voru herfi íslensk að smíði? Lýsið þessu.
Segið frá plægingahestum. Höfðu plægingamenn tvo ganga eða fleiri af plægingahestum? Segið frá fyrstu sáðsléttum í túnum.
Hvað hétu einstakir hlutar aktygjanna? Hvernig voru óvanir eða baldnir hestar vandir við plógdrátt?
Voru hestvagnar notaðir við tilfærslu á mold eða grjóti? Hvenær kom fyrsti hestvagninn í sveitina? Sýndu einstakir menn varúð og jafnvel ótrú í fyrstu á hestaverkfærum, m.a. af umhyggju fyrir hestunum?