Hirðing og milliferðir.

Hvað nefndust lestaferðir í heimflutningi heys (milliferðir t.d.)? Hvað nefndist starf þeirra manna, sem um þær sáu (milliferðamaður, milliferðadrengur t.d.)? Hvað nefndist lest reiðingshesta (reiðingslest t.d.)? Hvað nefndist lest undir heyböggum (heylest t.d.)? Var mikill munur á hraða, er farið var með lausa lest eða lest undir böggum (skokk, klyfjagangur t.d.)? Hvað nefndist starfið við að flytja hey heim í garð eða hlöðu (að hirða, flytja heim, reiða heim, reiða í garð t.d.)? Hvað nefndist dagur, sem notaður var til hirðingar (heimfærslu á heyi), hirðingardagur t.d.)?
Skráðu bændur magn heys, sem flutt var í garð frá degi til dags? Hvernig, í baggatali eða kaplatali t.d.? Hvað var það nefnt ef allt hey var hirt heim af teigum (að hirða upp, hirða undan, hirða að ljáum, eiga ekkert laust t.d.)? Hvað var það nefnt, ef öllum hirðingum var lokið (hvert strá komið í garð, hver baggi kominn í garð, hreinsaðir allir teigar t.d.)?
Hvað var verkið nefnt við að teyma lest milli heybagga á teig (að leiða á milli, teyma á milli t.d.)? Hvað taldist hæfileg þyngd heybagga, a) þurrhey, b) votaband? Hvað taldist hæfileg þyngd heybagga, a) þurrhey, b) votaband? Hvað nefndist afl manns, sem orkaði því að lyfta heybagga til klakks (að hann væri baggatækur t.d.)? Voru tveir menn, sem létu upp bagga á sama hest, sitt frá hvorri hlið, eða vann aðeins einn að því og lét annan standa undir? Var byrjað á því að láta upp á síðasta hest í lest eða fremsta? Var einhver séstakur, barn t.d., sem hafði það starf að hirða rökin (baggarökin) jafnóðum og látið var upp á lestina?
Hvernig var unnið að því að jafna baggahalla á hesti (taka í léttari baggann, auka þyngd hans með einhverjum hætti, stinga heytuggu milli reiðlags og bagga, láta bara sitja ofan í milli o.s.frv.)? Lýsið þessu. Hvað var það nefnt, ef baggi reyndist of léttur á hesti (bagginn ríður of mikið t.d.)?
Var talað um það í þessu sambandi, að eitthvað riði baggamun? Var talað um það, að vel eða illa færi á lest? Hvað fólst í því? Var þetta misjafnt hjá bændum?
Hvað var talið hæfilegt að hafa marga hesta í lest í heimflutningi heys? Var algengt, að heylest frá sama bæ væri tvískipt?
Var með einhverjum hætti reynt að lagfæra veg, sem farið var um með heygbandslest (stinga hnausa í rásir eða keldur, brúa, leggja hey í rásir t.d.)? Var jörð talið það til kosta eða ókosta, hvernig heybandsvegur hennar var (góður, vondur, stuttur, langur)?
Hver voru úrræði, ef baggi fór ofan í heimflutningi við það, að hann hrökk upp af klakki eða sili slitnaði?
Hvernig var unnið að því að taka ofan af lest, a) þurrhey, b) votaband? Var e.t.v. einhver heima, sem hjálpaði milliferðamanni við það verk? Hvað var verkið nefnt við að taka reiðinga af hrossum (taka af, spretta af t.d.)? Hvar var sprett af? Hvernig var gengið frá reiðingum (í réttri röð til næsta dags, bunkað, fansað t.d.)?
Hvenær lagðist niður heimflutningur heys á reiðingshestum (ártal ef hægt er)?