Jarðabætur

Voru orðin jarðabætur og jarðabótavinna notuð um ræktunarstörf yfirleitt (túnasléttur, skurðgröft, girðingar o.s.frv.)? Talað hefur verið um það að brjóta land til ræktunar. Felst einkum í því að plægja og herfa land til sáningar? Var hugtakið einnig notað um það t.d., er menn ruddu með handverkfærum grjóti úr nýræktarspildum?
Mótaðist álit á einstökum bændum af því, hve þeir voru dugmiklir við að bæta ábýlisjarðir sínar? Hafði fordæmi einstakra bænda í jarðabótum mikil áhrif í þá átt að örfa aðra bændur til sama framtaks? Nefnið dæmi um þetta ef tök eru á. Höfðu tímarit og fræðslurit um landbúnað greinileg árif varðandi aukna og bætta túnrækt? Hafði greiðsla jarðabótastyrks mjög örfandi áhrif á þessu sviði? Hvað er að segja um áhrif búfræðinga og búnaðarráðunauta?
Lýsið því hversu jarðabætur áttu þátt í aukinni hagsæld bænda. Voru dæmi þess að jarðeigendur létu leiguliðum sínum með einhverjum hætti laun í té ef þeir bættu ábýlisjarðir sínar með ræktun eða öðrum þörfum framkvæmdum?
Gerðu bændur áætlun um að koma ákveðinni landstærð í ræktun árlega eða slétta ákveðna spildu í túni? Héldu bændur dagbók um jarðabótavinnu?