Leikir og skemmtun.

Í svörum við þessari spurningaskrá eru menn beðnir að gera sem fyllsta grein fyrir leikjum og skemmtun barna. Þar sem börn búa sig undir það með leikföngum að verða fullorðið fólk hefur að vísu verið fjallað í svörum við spurningaskrá um leikföng (gullabú, brúðuleikir, bátaleikir). Undan hafur þó fallið þar að spyrja um þau leikbú telpna, þar sem unnið var að matreiðslu (drullubú). Um þau væri vel þeginn fróðleikur og þá m.a. um ákveðnar breytingar í leik út frá breyttum heimilisháttum. Auk þess fá margir þessa skrá, sem ekki hafa svarað hinni fyrri. Voru vissir leikir einkum taldir við hæfi drengja og aðrir við hæfi stúlkna (sbr. að vera eins og strákur)?
Gerið sérstaklega grein fyrir því, hvernig leikir barna breyttust smátt og smátt frá því, er faðir og móðir leika við barn (sbr. að stíga við stokkinn) og til þess, er barnið nálgast unglingsár.
Leikir og skemmtun, sem menn eru beðnir að gera grein fyrir:
a) Leikir, sem byggjast á ákveðnum reglum og eiga ákveðin nöfn.
b) Leikir, sem tengjast líkamlegum iþróttum eða teljast iþróttir.
c) Orðaleikir eða þrautir, sem byggjast á andlegri iþrótt gerðri til þess að þjálfa hug, tungu og öndun.
d) Aðrir orðaleikir með ákveðnum formálum, sumir að upphafi tengdir töfrum.
e) Gátur, þulur og vísnakeppni (skanderingar, að kveðast á).
f) Töfl og spil.