C. Mjólk.

1. Hvað var mjólkurmatur nefndur almennt (hvíta, hvítur matur, mjólkurmatur eða annað)?

2. Hvað nefndist mjólkurvinna í daglegu tali (athafnir, búverk, búrverk, mjólkurverk, málaverk, að koma mjólk í mat o.s.frv.)? Hvernig var mjólkurverkum skipað niður á málum, er eitt tók við af öðru (smérgerð, skyrgerð o.s.frv.)?

3. Var gys gert að bændum, sem höfðu hönd í bagga með búrverkum, venju fremur (sbr. Orðin búrsnati)?

4. Hvað nefndist mjólk, er hún kom af stöðli eða úr fjósi (nýmjólk, samfengin mjólk eða annað)?

5. Var sérstakt mjólkurhús á bæjum og hið sama sumar og vetur?

6. Hvernig var trogum raðað í búri eða mjólkurhúsi? Var nokkuð breitt yfir þau?

7. a) Hvað nefndist vinnan við að hella nýmjólk í trog (að hella upp, setja upp eða setja mjólk t.d.)?             b) Hve lengi var mjólk látin setjast í trogum og hvað var það kallað (að dægra mjólk t.d.)?
c) Var sauðamjólk látin standa lengur í trogum en kúamjólk (fimmdægruð t.d.)?
d) Hvað nefndist sú breyting, sem varð á mjólk í trogum (að mjólk skildist, settist t.d.), og hvað var fitulaus mjólk kölluð (undanrenna, undanrenning t.d.)?
e) Hvað nefndist mjólk, sem búið var að dægra í trogum (staðin mjólk t.d.)?
f) Hvernig var staðið að því að hella úr trogum, og hvað var verkið kallað (að renna trogum eða annað)?
g) Hvað nefndist rjómarák í trogi (baugur, rjómarönd t.d.), og hvernig var hún strokin burtu (með sleikifingri hægri handar t.d.)?
h) Var börnum stundum gefin hlutdeild í rjómatrogi? Hvað var það kallað eftir magni (að gefa gafl, gefa baug eða annað)? Var þeim einnig boðið að sleikja af fingri, og hvað var það þá kallað (að gefa rjómasleikju t.d.)?
i) Var rjómatrog gefið sem glaðningur við viss tækifæri t.d. er búið var að slá (höggva, losa) bæinn úr grasi, þ.e. slá umhverfist bæinn)?

2. a) Hvernig var undanrenna gefin til matar á vetrum, flóuð eða á annan hátt?
b) Kom fyrir, að undanrenna var seydd í hlaup (rauðseydd)? Hvað nefndist hún þá?

3. Segið frá því, sem sérstætt má kalla í sambandi við matreiðslu sauða- eða geitamjólkur (sauðaábristir, sauðaþykkni o.s.frv.)

4. Lýsið flautagerð. Hvað var hún kölluð (að hræra, þeyta flautir eða annað)?

5. Voru brotin leirílát soðin saman í mjólk?

6. Hvernig voru fjallagrös matreidd í mjólk?

7. Kannast menn við no. ádrepa og 10. ádrepustætt í sambandi við grautargerð? Hvað felst í þeim?

8. a) Voru viss orð notuð um bragð mjólkurmatar miðað við aldur hans eða annað (stöðubragð t.d. um mjólk, smér eða skyr)?
b) Voru viss orð notuð um viðhorf manna til mjólkurmatar (no. mjólkurbarn, skyrhákur, skyrgámur, lo. skyrvandur o.s.frv.)?
c) Voru viss orð notuð um magn matar, lítið eða mikið (hvítuspónn, skyrsletta t.d.)?

9. Skrifið hér vísur og orðtök um mjólkukrmat og annan fróðleik, sem það efni varðar.