Reiddur klyfberi

Hvað nefndist klyfberi með hæfilega mörgum (þremur?) gjörðum (reiddur, alreiddur klyfberi t.d.)?
Var venja, að þrjár gjarðir fylgdu klyfbera, og hvað nefndust þær (brjóstgjörð, framgjörð, miðgjörð, náragjörð, afturgjörð t.d.)? Hvað nefndust spottar (ólar), sem tengdu klyfberagjarðir við klyfbera, á reiddum klyfberi (gagntök t.d.)?
Hvað nefndust þá þeir spottar (ólar), sem dregnir voru í klyfberasylgjur (hagldir), er klyfberar voru girtir á hest (móttak t.d.)?
Úr hvaða efni voru gagntök og móttök (ólar, snæri), og hvernig var gengið frá endum þeirra ofan á klyfberafjölum, svo þeir drægjust ekki þar niður um götin (hnútur, trétyppi, köggull úr fæti á sauðkind t.d.)?
Lýsið klyfberasylgjum (efni: horn, járn eða annar málmur t.d.)? Nefndust þær annað (klyfberahagldir t.d.)?
Var miðað við það, er unnið var að því að reiða klyfbera (festa á hann gjarðir), að tveir girtu á hestinn, hvor frá sinni hlið? Hvað var það nefnt, ef allar þrjár gjarðir voru girtar sömu megin (einyrkjaklyfberi, kerlingarklyfberi t.d.)?