Skíðagöngur, skíðaferðir.

Við hvernig "gerðan" snjó var miðað, er talað var um gott eða vont skíðafæri? Lýsið aðstæðum til skíðaferða. Var um þetta farið ákveðnum orðum og orðasamböndum? Lýsið þætti skíða í daglegum störfum manna og samgöngum milli bæja og byggða. Minnist m.a. eftirfarandi atriða: Hve ung lærðu börn að ganga á skíðum? Var sjálfsagt að nota skíði við ákveðin utanbæjarstörf í snjóalögum, t.d. er gengið var á fjárhús eða beitarhús? Voru skíði, er svo stóð á, helsta samböngutæki milli sveitabýla og milli byggða?
Hvernig bjuggu menn sig til skíðagöngu, einkum til fóta (snjósokkar t.d.)? Hvernig var hirt um skíði milli þess, sem þau voru notuð og undir ferðir (borin á feiti t.d.)?
Lýsið stöfum skíðamanna og greinið frá breytingum, sem orðið hafa á skíðastöfum. Var e.t.v. um mismunandi stafi að ræða miðað við ákveðin störf (sporreka, klofakerling beitarhúsamanna t.d.)?
Lýsið öðru, sem varðar þátt skíða og skíðaferða í daglegu lífi fólks að vetri. Lýsið hversu skíðaferðir eru enn gildur þáttur í störfum, ferðum og skemmtun almennings í byggðinni. Muna menn vísur eða kvæði tengd skíðaíþrótt?