D. Smér.

1. Hvað nefndist vinnan við að breyta rjómanum í smér (að strokka eða annað)? Hvort var sagt smér eða smjör? Var strokkað í bæði mál (kvöld og morgna)?

2. a) Hvað nefndist undirbúningur smérgerðar (að búa í strokkinn eða annað)? Lýsið honum.
b) Var strokkurinn yljaður innan með vatni, áður en byrjað var að strokka, á öllum árstímum? Hvað nefndist vatnið (strokkvatn t.d.)?
c) Hvað kallaðist hreyfing bullunnar í strokknum (bulluslög t.d.)? Hvað var vinnan nefnd ( að skaka strokkinn eða annað)?
d) Var algengt að telja bulluslögin í hvert sinn, er strokkað var og hve mörg voru þau ef allt gekk að óskum?
e) Hvað var það kallað, er illa gekk að strokka, vegna þess, að rjóminn var of kaldur (strokkurinn er þrjótur t.d.) og hvað var þá tekið til bragðs? Voru orðin barningur og barningssmér einnig notuð um þetta?
f) Hvað var það kallað, er smérgerð fór úrhendis, vegna þess, að rjóminn var of heitur (strokkurinn er úrbræddur, kramur eða annað), og hvað ver smérið nefnt (úrbræðingur, tilberasmér eða annað)?
g) Kom fyrir, að tólg var sett í strokkinn til drýginda, í hvaða hlutfalli móti rjómanum, og hvað nefndist þá smérið (tólgarsmér eða annað)?
h) Var nema einu sinni strokið niður í strokknum og hvernig var að því unnið? Hét það nokkuð annað?
i) Var eitthvað sérstakt, sem farið var eftir með, að smérið væri fullstrokkað (strokkhljóðið t.d.), og hvaða orðum þá um það var farið (strokkurinn er skilinn t.d.)? Var einnig um þetta sagt: "Það er komið annað hljóð í strokkinn". Átti það aðra merkingu?
j) Hvernig var starfað að því að taka smérið úr strokknum, og hvað nefndist það (að taka af strokknum t.d.)?
k) Var smérið alltaf hnoðað upp úr köldu vatni? Í hvaða íláti? Hafði konan einnig kalt vatn við hödina til að þvo sér upp úr?
l) Hvað kallaðist vinnan við að forma smérsköku (að slá, damla, demla sköku eða annað?
m) Var skakan slegin á strokklokinu eða sérstakri smérfjöl?
n) Hvað nefndist smérögn, sem börnum var gefin, er tekið var af strokknum (klípi, klípa eða annað)?
o) Var áfunum hellt í sérstakt ílát? Hvernig voru þær notaðar til matar?
p) Hvað kallaðist skolavatn úr strokki (strokkvatn t.d.)? Hvað var gert við það?

3. a) Hvað nefndist stór smérkskaka (drymbi, hnuðlungur eða annað)?
b) Hvað nefndist lítil smérkaka (skökubrýni, damla, demla eða annað)?
c) Hvað nefndist smérstykki hnoðað úr mörgum smérskökum (bitlingur, smérböggull t.d.)? Var stærðin miðuð við ákveðna þyngd (fjórðung t.d.)?

4. a) Hvaða heiti voru notuð um smér eftir árstíðum og öðru (vetrarsmér, gróðrarsmér, sumarsmér, broddsmér, leignasmér o.s.frv.)?
b) Hvað nefndist samandregið smér t.d. eftir sumarið (smérsafn eða annað)?
c) Var þess minnzt á einhvern hátt á bæjum, þegar búið var að safna í leigurnar?
d) Hvað kallaðist illa verkað smér (gráðasmér eða annað)?
e) Hvað kallast geymsluskemmd í sméri (farði, gráði eða annað)?
f) Var talað um það, að smér tæki verkun, er það breyttist í súrt smér?
g) Var sérstakt nafn notað um brætt smér (brísmér t.d.)
h) Lýsið smérumbúðum á heimilium og í flutningum (líknarbelgur, skinn o.s.frv.).
i) Var smér geymt í sýru? Hvernig var þá um það búið?
j) Hvernig var geymslu smérs háttað að öðru leyti?

5. Kannast menn við orðtakið: "Það er ekkert að láta út í fjórðunginn, en að klína (verka) sig á honum það er meira". Hvernig var það notað? Er nokkur sögn til um það?

6. Var nýstrokkað smér notað til lækninga? Hvernig?