Tyrfing og umbúnaður heyja

Hve lengi voru hey að jafnaði látin síga, áður en endanlega var gengið frá þeim undir torf, og hvað var sú síðasta úrhleðsla kölluð (að mæna hey t.d.)? Á hvorum hluta heysins var byrjað (lægri, hærri), og hvað nefndist þá hvor endi fyrir sig (endi, haus t.d.)? Var lítill hluti heysins tekinn fyrir í einu og tyrft jafnóðum?
Hvernig var tyrft? Var barið með höndum utan á torfið til að jafna gúla í heyinu? Hvað hét hæsti hlutinn "hausmegin" á heyi (koll t.d.)? Voru dæmi þess, að hann væri á miðju heyinu? Hvað nefndist torfan, sem var lögð þar yfir (kolltorfa t.d.)? Var hún lögð síðust á heyið við tyrfingu? Var torfa af sérstakri gerð valin til að vera "kolltorfa"? Hvað nenfdist það, er búið var að alhirða alla teiga á býlinu (allt er komið í garð t.d.)? Var hún lögð síðust á heyið við tyrfingu? Var torfa af sérstakri gerð valin til að vera "kolltorfa"?
Hvað nefndist það, er búið var að alhirða alla teiga á býlinu (allt er komið í garð t.d.)?
Hvernig voru tyrfð hey í heygarði, kumli eða útihey yfirleitt búin undir veturinn? Var hlaðið í heygarðshlið þegar eftir síðustu hirðingu eða úrhleðslu? Voru sérstakir torfstrengir (heystrengir) ristir til að leggja á hey? Lýsið þeim. Voru þeir aðeins lagðir á ytri brúnir heyja og á hyhausa? Hvernig voru þeir lagðir á heybrúnir? Hvernig voru þeir lagðir á heyhausa? Voru sérstakar spýtur til að festa með heystrengi (heyspýtur)? Lýsið þeim. Hvernig var gert yfir geilar við heygarðsveggi? Hvernig var gert yfir innri geilar? Lýsið efni, sem til þess var notað (spýtur, hrís, birki, melstangir, hnausar o.s.frv.).