Undirbúningur sláttar og sláttubyrjun.

Lýsið undirbúningi sláttar í því að hafa allt tilbúið, sem slætti viðkom í amboðum (orfum, ljáum, hrífum), í heyreipum, reiðingum, klyfberum og beislum, í hreinsun heygarða, hlöðugólfa o.s.frv. Lýsið á hvern hátt sláttubyrjun tengdist öðrum sumarstörfum og sprettu á túni og engjum. Hvaða orðum var farið um sprettu í þessu sambandi (sprottið, fullsprottið, mál að fara að bera niður, að byrja sláttinn, o.s.frv.)? Var farið eftir þroska ákveðinna grasa eða jurta, er ákveðið var um byrjun sláttar? Lýsið því.
Var það venja bænda að byrja slátt alltaf á ákveðnum vikudegi (laugardegi t.d.)? Hvað var það nefnt (að bera niður, að bera ljá í gras t.d.)? Var venjulega byrjað á því að slá sama blettinn frá ári til árs? Var venjulega byrjað að slá heima við bæinn eða þekkist það að hefja slátt utan túns og þá e.t.v. ekki farið eftir því, hvort gras var fullsprottið eða ekki?