Verkun heyja í heygarði, tótt og hlöðu

Mismunandi orð voru notuð um verkun útiheyja og heyja í hlöðum. Menn eru beðnir að gea grein fyrir því orðafari, miðað við þeirra heimabyggð. Hvað nefndist það, ef hey skemmdist vegna þess, að rigningarvatn gekk niður í það (heyið er drepið, það er dropi í heyinu t.d.)? Hvað nefndist það, ef grænt hey breytti ekki um lit í uppbornu heyi (heyið hefur ekki kastað ljálit, er grænt, eins og af ljánum t.d.)? Hvað nefndist það, ef hey var ill hirt eða hrakið og verkaðist illa í heygarði (lo. lyktardauft, lyktarlaust, myglað, mylgrótt, fúkkakennt, ruddakennt, no. fúkki, ruddi o.s.frv.)?
Hvað nefndist flókalag í mygluðu heyi (fló, myglufló t.d.)? Hvað nefndit blautt hey undir torfi í heygarði (rekjur, torfrekjur t.d.)? Hvað nefndist samærilegt hey við gólf eða undir heyi (rekjur, gólfrekur, visturðir t.d.)
Hvað nefndist Heystrá, sem stóðu út úr hliðum útiheyja (kalstrá, vindstrá t.d.)? Þekktist nokkur þjóðtrú um þau, t.d., að gott væri að gefa þau kú með óáti?
Hvaða orðum var farið um hey, sem hitnað hafði í, miðað við mismunandi mikinn hita? Greinið þann stigmun, sem þar var á (bugðið lit, ornað, sterkornað, ekki stráheilt, bliknað, brunnið, kolað o.s.frv.)? Hvaða orð voru notuð um það, er lykt gaf til kynna, að heitt væri í heyi (ornunarlykt, hitalykt, brunalykt)? Lýsið, hvernig reynt var að komast fyrir hita (leyst upp í holur, geilar o.s.frv.)?