Vinnuull

Nefndist öll ull, sem ætluð var til heimanota, einu nafni vinnuull?
Var nafnið vinnuull e.t.v. einkum notað um þá ull, sem valin var úr, áður en farið var með söluull í kaupstað (vorullina)? Við hvað miðaðist val vinnuullar fyrst og fremst (lit, blæ, þéttleika o.s.frv.)? Valdi húsfreyjan vinnuullina? Var sérstakur dagur valinn til þess, t.d. sami dagur og þegar söluullin var sekkjuð fyrir kaupstaðarferðina? Var um það rætt, að húsfreyjum þætti betra, að bændur þeirra væru ekki nærri, er þær völdu vinnuullina? Var tekin frá gjafaull á sumum bæjum? Var tekin frá ull til vöruskipta? Hvað var helst tekið í skiptum fyrir ull?
Tíðaði sumt fólk það að ferðast um með varning og láta í skiptum fyrir ull?
Notuðu flakkarar og fátæklingar viss orð, er þeir báðu um ull að gjöf (ullarfila, ullarhár, ullarhnak, ullarlagður o.s.frv.)? Miðaðist beiðnin e.t.v. stundum við ákveðið magn (ull í einn sokkbol t.d.)?
Hvar var vinnuullin geymd í skemmu, á búrlofti t.d.? Lýsið ullarhirslum (ullarbyrðum, ullarkistum, ullarkössum o.s.frv.)?