Listi yfir hús í safninu

Glaumbær í Skagafirði

Sýningar í Glaumbæ eru opnar alla virka daga 10 til 16, frá 1. apríl til 19. maí. Frá 20. maí til 20. september er opið alla daga á milli 9 og 18. Frá 21. september til 30. október er opið alla virka daga milli 10 og 16. Utan þessa tíma er opið eftir samkomulagi.

Aðgangseyrir:

1700 kr. Einstaklingar 
1500 kr. hópar, námsmenn, eldri borgarar og öryrkjar
Ókeypis fyrir 17 ára og yngri. Sjá nánar: http://www.glaumbaer.is/is/safnid

Sýningar í Glaumbæ eru opnar alla virka daga 10 til 16, frá 1. apríl til 19. maí. Frá 20. maí til 20. september er opið alla daga á milli 9 og 18. Frá 21. september til 30. október er opið alla virka daga milli 10 og 16. Utan þessa tíma er opið eftir samkomulagi.

Prestar hafa setið í Glaumbæ frá árinu 1550. Þar er stór torfbær af norðlenskri gerð. Alls eru húsin 14 að tölu og þar af 6 í framhúsaröð. Engin útihús hafa varðveist. Byggðasafn Skagfirðinga er með starfsemi í húsinu. 

Glaumbær er fornt höfuðból, og þar hafa búið miklir og ríkir höfðingjar. Sá nafntogaðasti þeirra er líklega Teitur Þorleifsson lögmaður (d. 1537). Höfundar allra bæjarhúsanna eru ekki þekktir, en sr. Jón Hallsson (1809-94) prófastur lét reisa framhúsin og baðstofuna, sem er öftust bæjarhúsa, á árunum 1876-79.

Glaumbær í SkagafirðiBúið var í bænum til ársins 1947 og sama ár var hann tekinn í vörslu Þjóðminjasafnsins. Strax var ráðist í töluverðar viðgerðir á húsunum. Byggðasafn Skagfirðinga var formlega stofnað árið 1948 og hefur haft afnot af Glaumbæ síðan þá.Undanfarin ár hefur mikið verið gert við einstök hús, en eins og gengur um torfbæi þarf að halda þeim við reglulega til þess að koma í veg fyrir umfangsmiklar skemmdir.

GlaumbærÍ bænum er elsta sýning Byggðasafns Skagfirðinga til húsa. Sýningin heitir „Mannlíf í torfbæjum" og þar er reynt að að koma öllu fyrir með svipuðu móti og gerðist á myndarheimilum á 19. öld. Tvö 19. aldar timburhús, svokallað Áshús og Gilsstofa, hafa verið flutt að Glaumbæ og eru notuð í þágu Byggðasafnsins.  Byggingarlýsingu Guðmundar L. Hafsteinssonar er að finna hér