Þjóðminjasafni Íslands tæmdist árið 2006 myndarlegur arfur eftir Philip Verrall, endurskoðanda og Íslandsvin sem fæddist í Bretlandi 29. júní 1929 og lést þar 6. júní 2005. Minningarsjóður í hans nafni hefur það hlutverk samkvæmt staðfestri skipulagsskrá að kosta ýmis verkefni Þjóðminjasafnsins, einkum á sviði miðlunar, svo sem útgáfu vandaðra ritverka og gerð sérsýninga safnsins.

Sjóðurinn er kenndur við Ingibjörgu Guðjónsdóttur Johnsen og er í eigu Þjóðminjasafns Íslands. Ingibjörg var fædd að Laugarbökkum í Ölfusi 2. júní 1901 og lést 29. nóvember 1997 í Vacaville í Kaliforníu. Hún ánafnaði Þjóðminjasafninu hluta eigna sinna og stofnaði safnið sjóðinn til minningar um hana í framhaldi af því árið 2001.

 Sjóðurinn heitir Minningarsjóður Helga S. Gunnlaugssonar og er í vörslu Þjóðminjasafns Íslands. Helgi Sigurgeir var fæddur á Gilsá í Breiðdal 6. maí 1912 og lést í Reykjavík 4. október 1997 og ánafnaði Þjóðminjasafni Íslands hluta eigna sinna. Stofnandi sjóðsins er Þjóðminjasafn Íslands.