Fyrirlestraröðin Hvað eru minningar? Sagnfræðingafélag Íslands.

Sunnudaginn 19. febrúar kl. 14:00 mun Ágústa Kristófersdóttir sýningastjóri við Þjóðminjasafn Íslands leiða gesti um sýninguna TÍZKA – kjólar og korselett. Ágústa mun m.a. segja frá kjólunum sem sjá má á sýningunni, en hver kjóll býr yfir einstakri sögu. Jafnframt mun Ágústa setja kjólana í samhengi við söguna og tíðaranda. Leiðsögnin er áhugasömum að kostnaðarlausu.

Hádegisfyrirlestur í samstarfi við Félag Þjóðfræðinga.

Magnea Þorkelsdóttir biskupsfrú var mikil hannyrðakona og urðu mörg listaverk til í höndum hennar. Hún saumaði fjölda þjóðbúninga bæði á sig og afkomendur sína. Á sýningunni eru valdir búningar úr safni fjölskyldunnar.

Fyrir tíma fatahönnunar á Íslandi störfuðu hér bæði  kjólameistarar og klæðskerar. Hér verða sýndir módelkjólar frá tímabilinu frá seinna stríði og fram til 1970.

Hjálmar R. Bárðarson fyrrverandi siglingamálastjóri var afkastamikill áhugaljósmyndari og gaf út fjölda bóka með myndum af landi og þjóð. Hér getur að líta svarthvítar myndir úr safni hans, bæði landslagsmyndir og listrænar myndir.

Sýningunni er ætlað að varpa ljósi á sögu tóbaksnotkunar og baráttuna gegn henni allt frá upphafi á 17. öld fram til um 1990. Til þess eru notaðir gripir og ljósmyndir frá Þjóðminjasafni, gripir og gögn frá Krabbameinsfélaginu og tónlist sem notuð var í baráttunni gegn reykingum.