Grunnskólar

3.-4. bekkur - Tíminn og skórnir: Safngripir í aldanna rás

Á grunnsýningu Þjóðminjasafnsins, Þjóð verður til, er sagan sögð í tímaröð og gegnir tíminn miklu hlutverki í heimsókninni. Grunnsýning safnsins spannar 1200 ár; frá landnámi til síðustu aldamóta og kynnast nemendur sýningunni enda á milli út frá skófatnaði.

 Markmið

  •  Að nemendur velti fyrir sér ástæðum þess að hlutir, t. d. fatnaður eða verkfæri, taka breytingum.
  • Að nemendur reki sig í gegnum grunnsýningu safnsins út frá skófatnaði sem á henni er.
  • Að nemendur þjálfist í að nota tímaás sem verkfæri til að skilja þróun.

Fyrirkomulag heimsóknar:

Nemendur hengja upp útifatnað í fatahengi í kjallara og setjast á bekk í anddyri þar sem safnkennari býður þá velkomna. Hann kynnir dagskrá heimsóknarinnar og fer yfir þær reglur sem gilda á safni. Safnkennari leiðir nemendur um grunnsýningu safnsins með  skófatnað frá mismunandi tímabilum sem leiðarstef. Skoðaðir eru ýmsir aðrir áhugaverðir gripir úr fortíðinni sem nemendur geta tengt við sinn raunheim. Staldrað er við teiknaðan tímaás þar sem framvinda sýningarinnar og þróun samfélagsins er skoðuð myndrænt.

Að lokum er nemendum fylgt niður í anddyri og þeim afhent spjöld með ljósmyndum af þeim skóm sem skoðaðir voru í heimsókninni.

Heimsóknin tekur um klukkustund.

Bókun skólahópa í leiðsögn í Þjóðminjasafninu á Suðurgötu fer fram í gegnum bókunarsíðu safnsins.