Verkefni sumarstarfsmanna felst í innskönnun á ljósmyndum úr safni Morgunblaðsins og Sambands íslenskra samvinnufélaga. Þegar innskönnun er lokið eru myndirnar vistaðar á drifi og síðan tengdar við fyrirliggjandi færslu í gagnasafninu www.sarpur.is. Einnig eru möguleg önnur verkefni á Ljósmyndasafni Íslands.
Óskað er eftir einstaklingum með góða almenna tölvuþekkingu og nákvæm og skipulögð vinnubrögð.
Um er að ræða sumarstarf/átaksverkefni fyrir tvo starfsmenn í 2 mánuði á tímabilinu 8. júní – 31. ágúst. Skilyrði er að umsækjendur séu 18 ára á árinu eða eldri og í námi á milli anna.
Frekari upplýsingar um starfið veita Inga Lára Baldvinsdóttir sviðsstjóri Ljósmyndasafns í síma: 530-2283 netfang: inga.lara@thjodminjasafn.is og Hildur Halldórsdóttir mannauðsstjóri í síma 530-2239 netfang: hildur@thjodminjasafn.is.
Umsóknarfrestur er til og með 5. júní 2020. Sótt er um starfið á vef Vinnumálastofnunar.
Við ráðningar í störf er tekið mið af jafnréttisáætlun stofnunarinnar. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.