Fullveldisdagskrá
Eitt og annað um efnisheiminn
Sprengju-Kata veitir fjölskylduleiðsögn um Þjóðminjasafn Íslands í tilefni af fullveldisárinu, sunnudaginn 9. september kl. 14.
Katrín Lilja Sigurðardóttir, öðru nafni Sprengju-Kata, er efnafræðingur og Íslendingum að góðu kunn fyrir að setja efnaheiminn fram á skemmtilegan og spennandi hátt, bæði í sjónvarpsþáttum og í lifandi vísindamiðlun. Nýlega gaf hún út Slímbók Sprengju-Kötu. Hún mun segja frá ýmsum áhugaverðum hlutum sem rekast má á í Þjóðminjasafni Íslands og setja í óvænt samhengi. Verið öll hjartanlega velkomin. Frítt er inn á leiðsögnina.