Sýningar í gangi

Drasl eða dýrgripir?

Í safninu eru nú til sýnis íslenskar umbúðir, sem Andrés Johnson rakari og safnari í Ásbúð í Hafnarfirði hirti. Án hans áhuga á hönnun væri þessi gripaheild ekki til. Sælgæti, tóbak, bón, happdrættismiðar, skömmtunarseðlar og fleira frá því um 1930-60.

Sýningin er á 3. hæð í fjölskyldurýminu Stofu. Í sumar verður boðið uppá sérstaka barnaviðburði í tengslum við sýninguna ásamt föndursmiðju þar sem börn geta mótað sitt eigið listaverk úr fundnu efni og breytt því þannig drasli í dýrgrip.