Eldri fyrirlestrar Þjóðminjasafns
20 ár í kirkjum Íslands – ljósmyndir af kirkjum og kirkjugripum
Ívar Brynjólfsson ljósmyndari Þjóðminjasafns Íslands flytur fyrirlestur um ljósmyndun sína á íslenskum kirkjum, kirkjugripum og minningarmörkum.
Ljósmyndunin hefur haldist í hendur við útgáfu ritraðar um kirkjur Íslands sem fjallar um friðaðar kirkjur á Íslandi. Árið 2018 kom út síðasta bindið ritröðinni, hún telur 31 bindi og fjallar um samtals 216 friðaðar kirkjur. Ívar hefur tekið flestallar ljósmyndirnar í útgáfunni og því heimsótt um 200 kirkjur og kirkjustaði um allt land. Í fyrirlestrinum segir Ívar frá vinnunni og þeim áskorunum sem blasa við þegar mynda á þessa dýrgripi íslenskrar kirkjusögu.
Fyrirlesturinn er í fyrirlestrasal Þjóðminjasafns Íslands og öllum opinn. Verið velkomin.