Hádegisfyrirlestur: Þjóðarhnoss? Sögur af skúfhólkum, brýnum og snældusnúðum
Anna Lísa Rúnarsdóttir, doktor í mannfræði, fjallar um þá orðræðu sem söfnunarstefna fyrsta þjóðminjavarðar, Matthíasar Þórðarsonar, stuðlaði að og samfélagslegt samhengi hennar.
Frásagnir um fortíðina litast af því sem hefur varðveist frá fyrri tíð. Hvernig mótaði fyrsti þjóðminjavörðurinn safnkostinn? Hvaða „hnoss“ valdi Matthías Þórðarson fyrir íslensku þjóðina? Áhugavert er að skoða það sem einkennir val hans á gripum fyrir safnið og hvaða merkingu hann gaf þeim. Anna Lísa Rúnarsdóttir, doktor í mannfræði, fjallar um þá orðræðu sem söfnunarstefna Matthíasar stuðlaði að og samfélagslegt samhengi hennar. Velt verður upp spurningum um markmið þess að stjórna þekkingu um fortíðina, tengsl hennar við valdið til að skilgreina ímynd Íslands og festa sig í sessi í heiminum.
Hér má sjá upptöku af fyrirlestrinum á YouTube rás safnsins:
Hér má fylgjast með streymi á YouTube
Fyrirlestrar Þjóðminjasafns Íslands tengjast sýningum, rannsóknum eða öðru starfi safnsins og eru annan hvern þriðjudag klukkan 12 í fyrirlestrasalnum við Suðurgötu.
Aðgöngumiði í Þjóðminjasafnið kostar 2.500 kr. fyrir fullorðna og gildir í eitt ár en frítt er fyrir börn yngri en 18 ára. Það er því nægur tími fyrir alla til að njóta þess sem safnið hefur upp á að bjóða. Verið velkomin eins oft og þið viljið. Aðgöngumiðinn gildir að öllum sýningum og viðburðum á vegum safnsins.