Fyrirlestrar

Hvalrekar í heimildum 13. og 14. aldar

  • 16.4.2019 12:00 - 12:45 Fyrirlestrasalur Þjóðminjasafns Íslands

Þriðjudaginn 16. apríl kl. 12 flytur Árni Daníel Júlíusson sagnfræðingur erindi í fyrirlestrasal Þjóðminjasafns Íslands. Fyrirlesturinn fjallar um hvalreka í heimildum 13. og 14. aldar og mun Árni Daníel kynna rannsóknir sínar á þessu sviði. 

Fyrr á öldum sóttust menn eftir að ráða yfir strandsvæðum þar sem hvali rak á fjörur. Um eignarhald og reglur um það hvernig farið skyldi með hvalreka eru til miklar heimildir í skjalagögnum miðalda. Til er fjöldi skjala frá stofnunum eins og klaustrum, kirkjustöðum og biskupsstólum um eignarhald þeirra á hvalrekum á útskögum og strandsvæðum á Melrakkasléttu, Tröllaskaga, Skaga, Ströndum og Reykjanesskaga. Einnig eru til skjöl frá því snemma á 13. öld um hvalreka í Hornafirði, úrskurður goðorðsmanns í héraðinu. Hvalir voru skutlaðir úti á rúmsjó og rak síðan á hvalfjöru. Eins og nærri má geta varð þá uppi fótur og fit því hvalreki þýddi mikla björg í bú fyrir heimili í grendinni.

Fyrirlesturinn er öllum opinn. Verið velkomin.