Örleiðsögn: Hamfarir og drepsóttir
Í leiðsögninni er vöngum velt um uppruna Íslendinga, farsóttir og náttúrvá. Farið verður yfir áhrif umhverfisins á heilsufar og útbreiðslu sjúkdóma og hvernig hamfarir og nálægð við náttúruna hafa alla tíð sett mark sitt á lífsbaráttu Íslendinga. Leiðsögnin er í boði alla miðvikudaga og laugardaga kl. 14.
Safnkostur Þjóðminjasafnsins er gestum til fróðleiks, skemmtunar og örvunar. Heimsókn í safnið er því skemmtileg og fræðandi fyrir alla fjölskylduna. Við bjóðum gestum margs konar leiðir til að upplifa sýningar safnsins og íslenska sögu. Hægt er að ganga um safnið án fylgdar, taka þátt í fjölskylduviðburðum eða fá leiðsögn hjá sérfróðu starfsfólki.
Aðgöngumiði í safnið gildir. Ókeypis fyrir handhafa árskorts og ókeypis fyrir börn að 18 ára aldri. Árskort kostar 2.000 kr. og gildir á allar sýningar og viðburði á Þjóðminjasafninu við Suðurgötu og í Safnahúsinu við Hverfisgötu. Venjulega er tekið gjald fyrir sérfræðileiðsögn, en vegna sérstakra aðstæðna hefur verið ákveðið að bjóða þessa leiðsögn án endurgjalds í sumar.
Verið velkomin samferða í sumar.