Silhouettustöð
Á sýningunni Mannamyndasafnið er silhouettustöð. Tvö saman vinna myndina með því að festa svartan pappír á vegg. Annað sest í stól þannig að hliðin snúi að veggnum og hitt lætur lampa lýsa á andlitið þannig að skuggi varpist á blaðið. Teiknið útlínur með blýanti eða lit, klippið út og límið á hvítt karton.
Í Ljósmyndasafni Íslands er safnheild sem ber heitið Mannamyndasafn. Í henni er að finna ólíkar gerðir mynda, þar á meðal málverk, ljósmyndir, útsaumsverk og höggmyndir. Breiddin er mikil, frá því að vera skyndimyndir yfir í að vera ómetanleg listaverk. Þær eiga það sameiginlegt að sýna fólk.
Á sýningunni er safnkostinum gerð skil í gegnum 34 þemu sem ná ýmist yfir myndefni eða gerð mynda. Þar má til dæmis skoða elstu mannamyndina sem þekkt er á Íslandi, ljósmyndir af þátttakendum í fyrstu íslensku fegurðarsamkeppninni og myndir af ýmsum hópum, gömlum og nýjum.
Mannamyndasafnið var stofnað árið 1908 og var tilgangur þess að safna myndum af öllum Íslendingum. Í því eru yfir 60.000 myndir sem ná yfir 400 ár.
Verið velkomin í Þjóðminjasafnið í haust, að gera ykkar eigin silhouettumyndir og fræðast um mannamyndir í leiðinni! Góða skemmtun!
Aðgöngumiði í safnið gildir. Ókeypis fyrir handhafa árskorts og frítt fyrir börn yngri en 18 ára. Árskort kostar 2.000 kr. og gildir á allar sýningar og viðburði á Þjóðminjasafninu. Þjóðminjasafnið er opið alla daga frá kl. 10 - 17 nema mánudaga.