Viðburðir framundan
Náttúran og sjónarhornin
Sunnudaginn 16. september klukkan 14 mun Viðar Hreinsson bókmennta- og náttúrusögurýnir á Náttúruminjasafni Íslands ganga með gestum um sýninguna Sjónarhorn í Safnahúsinu við Hverfisgötu og spá í náttúruna, listina og vísindin og samspilið þar á milli, með áherslu á Jón lærða Guðmundsson.
Sýningin er af mjög fjölbreyttum toga og að henni standa Þjóðminjasafn Íslands, Listasafn Íslands, Náttúruminjasafn Íslands, Landsbókasafn Íslands – Háskólabókasafn, Stofnun Árna Magnússonar í íslenskum fræðum og Þjóðskjalasafn Íslands.
Leiðsögnin er ókeypis. Verið öll velkomin.