Leiðsögn: Úrklippubækur Pike Wards
Sunnudaginn 12. janúar kl. 14 leiðir Inga Lára Baldvinsdóttir, sviðsstjóri Ljósmyndasafns Íslands gesti um sýninguna: Með Ísland í farteskinu. Ljósmyndir, úrklippur og munir úr fórum Pike Ward.
Hertta Kiiski
Hertta Kiiski er finnskur myndlistarmaður, sem vinnur með ljósmyndir, hreyfimyndir, hluti, rými, auk þess að vinna gjarnan með dýrum og dætrum sínum. Verk hennar snerta á ást, samkennd og sambandinu á milli mannfólksins og náttúrunnar. Hún er með MFA gráðu frá Finnish Academy of Fine Arts (2015) og BA gráðu frá Turku Arts Academy (2012).
Verk hennar hafa verið sýnd í galleríum og söfnum í Finnlandi og á alþjóðlegum vettvangi – ásamt yfirlitssýningu yfir feril hennar í Finnish Museum of Photography árið 2019. Hún er þátttakandi í Ljósmyndahátíð Íslands með sýningunni Þöglu vori í Hafnarborg. Önnur bók hennar, I Was an Apple and I Got Peeled – but It Was a Good Thing, var gefin út árið 2016 af þýska bókaútgefandanum Kehrer Verlag. Hún er einnig formaður stjórnar listamannarekna rýmisins Titanik í Turku í Finnlandi.
Sýningaopnun: Í ljósmálinu og Horft til norðurs
Laugardaginn 18. janúar verða opnaðar tvær nýjar sýningar í Þjóðminjasafni Íslands. Í ljósmálinu, ljósmyndir eftir Gunnar Pétursson og Horft til norðurs, ljósmyndir Jessicu Auer. Sýningarnar eru framlag safnsins á Ljósmyndahátíð Íslands 2020. Verið öll velkomin. Nánar um sýningarnar hér.
Leiðsögn um útskurð
Sunnudaginn 19. janúar kl. 14 leiðir Helga Vollertsen, sérfræðingur í Munasafni gesti um grunnsýningu safnsins.
Leirsmiðja fyrir börn
Leirum okkar eigið landslag og mótum íslensk fjöll. Á sýningunni Sjónarhorn má sjá röð 10 málverka frá 100 ára tímabili sem sýna fjöllin sem umkringja Reykjavík. Allt frá Akrafjalli, Skarðsheiði, Esju og að Skálafelli. Í leirsmiðjunni ætlum við að fá innblástur frá verkunum ásamt því að horfa út um þakgluggann á efstu hæð Safnahússins og virða fjöllin fyrir okkur áður en við hefjumst handa við að móta landslagið úr leir.
Ljósmyndabækur / Photobooks
Ljósmyndarar, útgefendur, ljósmyndatímarit, safnarar og fleiri kynna ljósmyndabækur og bókverk í Safnahúsinu við Hverfisgötu milli kl. 14 og 16.