Barnaleiðsögn: Bændasamfélag og baðstofulíf
Sunnudaginn 2. febrúar kl. 14 verður barnaleiðsögn í Þjóðminjasafni Íslands. Í leiðsögninni fræðumst við um daglegt líf á sveitaheimilum á Íslandi fram á 20. öld. Við skoðum baðstofuna og spjöllum um daglegt líf í torfbænum; húsverk, handavinnu og frístundir, svo sem leiki barna og kvöldvökur.
Safnbúð á Safnanótt
Á Safnanótt er 20% afsláttur af öllum vörum í safnbúðum okkar á Suðurgötu 41 og í Safnahúsinu við Hverfisgötu 15. Opið frá kl. 18.00 - 23.00. Afslátturinn gildir einnig í vefverslun okkar.
Safnbúð á Safnanótt
Á Safnanótt er 20% afsláttur af öllum vörum í safnbúðum okkar á Suðurgötu 41 og í Safnahúsinu við Hverfisgötu 15. Opið frá kl. 18.00 - 23.00. Afslátturinn gildir einnig í vefverslun okkar.
Safnanótt í Þjóðminjasafni
Á Safnanótt er opið í Þjóðminjasafni Íslands frá kl. 18 - 23. Ókeypis aðgangur og spennandi dagskrá.
Nútíminn gerir innrás í grunnsýningu Þjóðminjasafns Íslands
Í tilefni Safnanætur gerir nútíminn vart við sig á óvæntan hátt innan um gripi og annað sýningarefni allra tímabila Íslandssögunnar á grunnsýningu Þjóðminjasafns Íslands Þjóð verður til – menning og samfélag í 1200 ár.
Lauflétt leiðsögn um ljósmyndasýninguna Í ljósmálinu
Hvernig væri að detta eitt augnablik inn í abstrakt veröld árið 1960 og kynnast framúrstefnulegum ljósmyndum eftir áhugaljósmyndarann Gunnar Pétursson?
Glæpur og refsing - lög og regla fyrri alda
Leiðsögnin beinir sjónum að stjórnarfari á Íslandi frá landnámi og fram á miðja síðustu öld, þegar Íslendingar urðu sjálfstæð þjóð. Leitast er við að tengja söguna við gripi sem sýndir eru á grunnsýningu safnsins og nýta þá til að varpa ljósi á breytingar í stjórnarfari, dómsmálum og refsingum.
Samvinnuhugarkort, fjölskyldusmiðja fyrir forvitna
Leikandi létt smiðja fyrir öll sem búa yfir forvitni og opnum huga: Komdu og vertu með í að búa til áþreifanlegt hugarkort orða og muna, innblásið af yfirstandandi sýningum í Safnahúsinu; Sjónarhornum og Óravíddum – orðaforðinn í nýju ljósi.
„Sól tér sortna” – Hungursneyð, drepsóttir og náttúruhamfarir
Í leiðsögninni er vöngum velt yfir uppruna Íslendinga og þeim áhrifum sem verslun og fólksflutningar höfðu á heilsufar og samfélag í gegnum Íslandssöguna. Leitað er fanga í vísindarannsóknum til að varpa ljósi á tengsl heilsu og umhverfis og samband Íslands við umheiminn út frá völdum hlutum grunnsýningar Þjóðminjasafnsins. Leiðsögnin er á ensku.
Spekingar spjalla
Sérfræðingar frá söfnum sem eiga verk á sýningunni Sjónarhorn – ferðalag um íslenskan myndheim í Safnahúsinu eru við á sýningunni á milli kl. 20 og 21 og spjalla við gesti um valda sýningarhluta.
Leiðsögn um Sjónarhorn
Leiðsögn á íslensku um sýninguna Sjónarhorn í Safnahúsinu við Hverfisgötu. Sýningin Sjónarhorn er ferðalag um íslenskan myndheim fyrr og nú. Í sjö álmum Safnahússins við Hverfisgötu eru jafn mörg sjónarhorn sem tengja saman ólík listaverk og áhugaverða muni, þvert á efni og tímabil.