Leikur að ljósi - leiðsögn og smiðja
Sunnudaginn 7. febrúar kl. 14 verður fyrsta barnaleiðsögn ársins í Þjóðminjasafni Íslands. Þemað er ljós, gegnsæi og skreytingar. Sérstaklega verður staldrað við hjá glersteinsgluggum eftir Nínu Tryggvadóttur. Eftir leiðsögn verður smiðja þar sem gestum gefst færi á að búa til sína eigin „steindu glugga“ úr endurunnu efni.
Fjöldatakmörkun í leiðsögnina miðast við 20 fullorðna. Fjöldatakmörkun og nálægðarmörk eiga ekki við um börn sem fædd eru 2005 eða síðar. Takmarkaður fjöldi kemst að í smiðju. Vinsamlega hringið í síma 530 2202 til þess að taka frá pláss fyrir ykkar fjölskyldu.
Aðgöngumiði í safnið gildir. Ókeypis fyrir handhafa árskorts og frítt fyrir börn yngri en 18 ára. Árskort kostar 2.000 kr. og gildir á allar sýningar og viðburði á Þjóðminjasafninu við Suðurgötu og í Safnahúsinu við Hverfisgötu.