Stonewall uppreisnin
Árið 2019 er sögulegt ár í réttindabaráttu hinsegin fólks þar sem 50 ár eru liðin frá Stonewall uppreisninni sem gjarnan er talin marka upphaf réttindabaráttunnar. Hér verður farið yfir söguna og þýðingu hennar í nútíma samhengi. Viðburðurinn fer fram á ensku.
Fræðsluviðburðir á Hinsegin dögum 2019 eru haldnir í samstarfi við Þjóðminjasafn Íslands. Á Þjóðminjasafninu má finna Regnbogaþráðinn sem er hinsegin vegvísir um sýninguna Þjóð verður til – menning og samfélag í 1200 ár. Í vegvísinum er fjallað um hinsegin sögu á Íslandi með það að markmiði að miðla upplýsingum um hinsegin líf og tilveru, sýna hvernig hugmyndir um kyn og kynhneigð taka á sig ýmsar myndir á ólíkum tímum og ekki síst að spyrja spurninga, skoða hið ósagða og hvetja gesti til gagnrýninnar hugsunar.
Frítt er á viðburðinn. Verið öll velkomin.
Þjóðminjasafn Íslands býður gestum á viðburðum Hinsegin daga á safninu aðgangsmiða á safnið með 25% afslætti eða á 1.500 kr. í stað 2.000 kr.