Jóladagskrá Þjóðminjasafnsins
Sunnudagur 30. nóvember
Opnunarhátíð jóladagskrár með Allegro Suzuki tónlistarskólanum og Íslenska dansflokknum
Fiðlu- og píanónemar frá Allegro Suzuki tónlistarskólanum spila jólalög og Íslenski dansflokkurinn túlkar ævintýrið Jóladraumar.
Sunnudagur 7. desember
Grýluskemmtun: Grýla kemur með jólaskellurnar og Leppalúða
Grýla, Leppalúði og jólaskellurnar leggja leið sína í safnið. Jólaskellurnar hafa sínar kenjar og sérkenni eins og bræður þeirra þrettán, jólasveinarnir.
12.-24. desember
Jólasveinarnir heimsækja safnið
Jólasveinarnir 13 mæta einn í einu á svið alla daga kl. 11, hver á þeim degi sem þeir gefa í skóinn, og hitta börnin og fræða þau um kæki sína og kenjar úr gamla bændasamfélaginu og sprella. Um helgar mæta jólaskellurnar, ein hverju sinni, þær Flotsokka, Taska og Leppatuska og kankast á við bróður sinn og krakkana í sal.
Þjóðminjasafn Íslands þakkar Húsasmiðjunni og Skógræktarfélagi Reykjavíkur fyrir veitta aðstoð við að koma jólaandanum yfir safnið.