Sundlaugasumar 2026

Í tilefni þess að sundlaugamenning var í desember staðfest á skrá UNESCO yfir óáþreifanlegan menningararf heims, auglýsti Þjóðminjasafn Íslands, í samstarfi við menningar-, nýsköpunar- og háskólaráðuneyti,  eftir umsóknum um styrki til menningarviðburða í sundlaugum landsins.

Verkefnin endurspegla fjölbreytileika og sköpunarkraft en meðal þess sem boðið verður upp á eru tónlistarflutningur, gjörningar, fræðsluviðburðir og samfélagsverkefni. Þar má nefna sundsalsa, sundkeppni í sögulegum vaðmálsklæðnaði, kórasöng, sundsirkus og fljótandi kokteilkvöld með ætum blómum.

Markmið styrkjanna er að efla menningarlíf í sundlaugum landsins, sem um árabil hafa gegnt mikilvægu hlutverki í daglegu lífi landsmanna, og skapa um leið ný tækifæri til menningarupplifunar í nærumhverfi fólks. Með verkefnunum er einnig leitast við að vekja athygli á þeirri einstöku sundlaugamenningu sem mótað hefur íslenskt samfélag um áratugaskeið.

Frumkvæðið miðar að því að færa list og menningu nær fólki og sameina á skapandi hátt sundlaugamenningu og önnur menningarform. Fram undan er því spennandi sumar þar sem sundlaugar landsins verða ekki aðeins vettvangur slökunar og hreyfingar, heldur einnig lifandi miðstöðvar sköpunar, samveru og menningarupplifunar fyrir alla. Sjáumst í sundi!

‍

Dagskrá

Sundlaugamenning – 30 ára afmæli Ísafjarðarbæjar  
Sundlaugar Ísafjarðarbæjar  
29.  maí – 1. júní    

Sundballetttímar á Vestfjörðum með  Sundballettinum Eilífðinni  
Sundlaugin á Suðureyri  
4. júní      

Sundballetttímar á Vestfjörðum með  Sundballettinum Eilífðinni  
Sundlaugin á Þingeyri  
5. júní      

Að synda eða sökkva  
Sundlaug Borgarnes  
25. júní, kl. 17:00-19:00    

Konukroppar - sviðsverk í sundlaugum  
Auglýst síðar  
25. júní, kl. 12:00    

Syngjum saman í sundi  
Sundlaugar Akraness  
Júní - auglýst síðar      

SundStrengir  
Sundhöll Reykjavíkur  
16. ágúst, kl. 18:30    

Jazzhátíð Reykjavíkur í Vesturbæjarlaug  
Vesturbæjarlaug  
30. ágúst, kl. 12:00-13:00    

Sumarsalsasund í Árbæjarlaug  
Árbæjarlaug  
Ágúst - auglýst síðar      

Skáldasuð - ljóðahátíð  
Sundlaugar í Múlaþingi  
Sumar - auglýst síðar      

Sundlögin okkar  
Sundlaugin Hrafnagili  
Að áliðnum slætti      

Söngsund  
Sundlaug Dalvíkur  
September - auglýst síðar      

Fjölmenningarbíó í Sundlaug Hafnar  
Sundlaug Hafnar  
September - auglýst síðar      

Hvalasöngur í kafi og sundmenning Vestmannaeyja  
Sundlaug Vestamannaeyja  
30. október      

Sundlaugamenning í Grýtubakkahreppi - tal og  tónar  
Sundlaug Grenivíkur  
Haust - auglýst síðar      

Sundbíó Sundskála Svarfdæla  
Sundskáli Svarfdæla  
Haust - auglýst síðar      

Fljótum saman  
Sundlaugin á Þórshöfn  
Haust - auglýst síðar      

Flæði  
Vatnaveröld  
7. nóvember, kl. 16:00-17:00    

Jónasarlög í Jónasarlaug  
Jónasarlaug á Þelamörk  
16. nóvember      

Mökkur í rökkri  
Auglýst síðar  
Desember - auglýst síðar    

Sund á Selfossi  
Sundhöll Selfoss  
Auglýst síðar      

Sirkus Sund! - nýsirkus í Laugardalslaug  
Laugardagslaug  
Auglýst síðar      

Sungið í lauginni  
Sundlaugar Akureyrar  
Auglýst síðar      

KvöldSundStund á Snæfellsnesi  
Sundlaugar á Snæfellsnesi  
Auglýst síðar  

‍