Þjóðsögukistan - sögustund við teikningar úr þjóðsögum
Hvað gerist ef maður fer á bak á hesti með hófa sem snúa aftur? Hver var þessi Kráka og hvers vegna vildi hún tólf ára gamlan hákarl í matinn?
Ingibjörg Fríða, þáttastjórnandi vinsæla fjölskylduhlaðvarpsins Þjóðsögukistunnar á RÚV, segir þjóðsögur fyrir börn og fjölskyldur í tengslum við sýninguna Ristur eftir teiknarann Eystein Þórðarson. Sögustundin fer fram á jarðhæð Þjóðminjasafnsins, sunnudaginn 6 apríl klukkan 13:30.
Eftir sögustundina gefst gestum tækifæri til að skoða myndirnar og velta fyrir sér þjóðsögunum sem eru innblásnar af.
Aðgangur ókeypis
Um sýninguna Ristur:
Á sýningunni gefur að líta prentverk eftir Eystein Þórðarson, sem byggð eru á íslenskum þjóðsögum. Aðferðin er tréristur en prentaðferðin er ein elsta leiðin sem þekkt er við prentun á lituðum myndlýsingum, margir kannast t.a.m. við japanskar tréristur.
Hvert verk er búið til með því að tálga út tréplötur fyrir ólíka hluta myndarinnar og prenta hvern lit á eftir öðrum. Því eru margar tréplötur unnar til þess að mynda í lokin eitt prentverk. Aðferðin er algerlega laus við tölvur en einungis eru tré, handverkfæri, málning og pappír notuð í ferlinu.
Verkefnið heldur á lofti íslenskum ævintýrum á tímum sífellt meiri áhrifa frá erlendum miðlum og er ætlað að varpa ljósi á sagnaarf Íslendinga með nýstárlegum myndlýsingum. Eysteinn Þórðarson myndskreytir og hönnuður stendur að baki verkefninu en það hlaut styrk hjá Hönnunarsjóði síðastliðið haust.
Watch the lecture here
Explore our YouTube channelSpeakers and Topics
