Um safnið

Um safnið

26.4.2016

Þjóðminjasafn Íslands er vísinda- og þjónustustofnun í eigu íslenska ríkisins. Því er ætlað að vera miðstöð þjóðminjavörslu og rannsókna á menningarsögulegum minjum.

Hlutverk Þjóðminjasafnsins er að auka og miðla þekkingu á menningararfi þjóðarinnar frá upphafi til vorra daga og stuðla að því að sem flestir geti haft gagn og gaman af sögu og minjum lands og þjóðar. Meginhluti safnhússins hýsir grunnsýningu Þjóðminjasafnsins við Suðurgötu: Þjóð verður til – menning og samfélag í 1200 ár.

Skrifstofur safnsins eru á eftirfarandi stöðum:

Fjármál og þjónusta

Sviðstjóri fjármála- og þjónustusviðs er Þorbjörg Gunnarsdóttir, thorbjorg@thjodminjasafn.is. Skrifstofan er á Suðurgötu 41 og er opin virka daga frá kl. 8 - 16.

Húsasafn

Sviðstjóri húsasafnsins er Guðmundur Lúther Hafsteinsson, gudmundur.luther@thjodminjasafn.is . Skrifstofa safnsins er á Tjarnarvöllum 11 í Hafnarfirði og er opin virka daga frá kl. 8 til 16.

Ljósmyndasafn Íslands

Sviðstjóri Ljósmyndasafns Íslands er Inga Lára Baldvinsdóttir, inga.lara@thjodminjasafn.is. Ljósmyndasafnið er með aðsetur í Vesturvör 16-20 í Kópavogi og er skrifstofan opin virka daga frá kl. 8 til 16.

Munasafn

Sviðstjóri Munasafns er Ágústa Kristófersdóttiragusta.kristofersdottir@thjodminjasafn.is. Skrifstofa Munasafns er í varðveislu- og rannsóknamiðstöð safnsins á Tjarnarvöllum 11 í Hafnarfirði og er opin virka daga frá kl. 8 til 16.

Safnahúsið við Hverfisgötu

Safnahúsið við Hverfisgötu 15 er hluti af Þjóðminjasafni Íslands og er þjóðminjavörður forstöðumaður þess. Safnahúsið, sem áður var lengst af aðsetur Landsbókasafns Íslands og Þjóðskjalasafns Íslands og síðar Þjóðmenningarhúss í skamman tíma, var sameinað Þjóðminjasafninu árið 2013.

Í Safnahúsinu er sýningin Sjónarhorn sem er samstarfsverkefni Þjóðminjasafnsins, Listasafns Íslands, Náttúruminjasafns Íslands, Stofnunar Árna Magnússonar í íslenskum fræðum, Landsbókasafns Íslands – Háskólabókasafns og Þjóðskjalasafns Íslands.