Jólaskellur skunda af stað

Skemmtileg jólabók með vísum um jólaskellurnar, systur jólasveinanna.

Flotsokka, Taska og Leppatuska búa í fjöllunum hjá Grýlu og Leppalúða og bræðrum sínum, jólasveinunum. En þær eru búnar að fá leið á því að híma heima í helli og koma skellandi kátar til byggða í desember! Þá er eins gott að vara sig, því þær eru uppátækjasamar og háværar, ákaflega sérvitrar … en líka ógurlega skemmtilegar.

Þær komu fyrst í heimsókn í Þjóðminjasafnið í desember árið 2023 til að hitta krakka. Við eigum von á þeim á hverju ári á aðventunni.

‍

Lítið vísubrot úr bókinni:

‍

Brot úr vísunum:

Taska hrífst af tildri

og tekur hvað hún sér.

Hún faldi fyrst í helli

en fullur nú hann er.

‍

Með pokaskjatta og skjóðu

hún skreytir sína hlið

og finnst allt ósköp fallegt

sem fúlsa aðrir við.

‍