Til baka
21. nóvember 2025

Þjóðminjasafnið leitar að sérfræðingi í þjóðháttasafni

Þjóðminjasafnið leitar að sérfræðingi í þjóðháttasafni
Þjóðminjasafn Íslands leitar að öflugum einstaklingi í starf sérfræðings í þjóðháttasafni Þjóðminjasafnsins. Safnið hefur í rúm 60 ár safnað upplýsingum um lifnaðarhætti í landinu og leitar nú að sérfræðingi meðal annars til að þróa starfið í takt við stafrænan samtíma. Sérfræðingurinn þarf að hafa þekkingu og reynslu á rannsóknum og miðlun innan fræðasviðs þjóðfræði. Um er að ræða spennandi starf sem reynir á ólíka hæfni svo sem frumkvæði, nákvæmni, skapandi hugsun, samvinnu, tækniþekkingu og leiðtogafærni. Sérfræðingur í þjóðháttasafni heyrir undir framkvæmdastjóra munasviðs með starfsstöð á Tjarnarvöllum í Hafnarfirði. Vinnustaðurinn okkar er fjölbreyttur og lifandi, þar sem sköpun, fræðsla og varðveisla menningararfsins fléttast saman í hvetjandi og framsæknu umhverfi.

Helstu verkefni og ábyrgð

  • Verkefnastjórn og framkvæmd verkefna í þjóðháttasafni og þverfaglegra verkefna
  • Söfnun og skráning þjóðhátta
  • Varðveisla óáþreifanlegs menningararfs
  • Rannsóknir á fræðasviðinu
  • Samvinna í verkefnum innan safnsins og við samstarfsstofnanir
  • Nýsköpun í heimildasöfnun og miðlun
    ‍

Hæfniskröfur

  • Háskólapróf (BA/BS að lágmarki) sem nýtist í starfi er skilyrði
  • Reynsla af verkefnastjórnun er skilyrði
  • Reynsla af rannsóknarverkefnum á sviði þjóðfræði
  • Þekking á gagnaöflun og greiningarvinnu
  • Reynsla af gerð styrkumsókna er kostur
  • Framúrskarandi samskipta- og samstarfshæfni
  • Mjög góð íslensku- og enskukunnátta í ræðu og riti
  • Frumkvæði, hugmyndaauðgi og drifkraftur
  • Sjálfstæði í starfi, metnaður og vönduð vinnubrögð
    ‍

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

‍
Þjóðminjasafn Íslands er vísinda- og þjónustustofnun og höfuðsafn á sviði menningarminja og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar. Þjóðminjasafn Íslands starfar á grundvelli safnalaga nr. 141/2011, lögum um Þjóðminjasafn Íslands nr. 140/2011 og lögum um menningarminjar nr. 80/2012.

‍

Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar.

‍

Umsókn skulu fylgja yfirlit og greinargóðar upplýsingar um störf umsækjenda og menntun ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknir á erlendum tungumálum, án kynningarbréfa eða án ferilskráa verða ekki teknar til greina. Einnig skal fylgja umsókn staðfesting á prófgráðum. Um fullt starf er að ræða og æskilegt er að viðkomandi hefji störf snemma á nýju ári.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.
‍

Starfshlutfall er 100%

Umsóknarfrestur er til og með 04.12.2025
‍

Áhugasöm sækið um HÉR

‍

Nánari upplýsingar veitir

Ágústa Kristófersdóttir

Tölvupóstur: agusta@thjodminjasafn.is

Ingibjörg Eðvaldsdóttir

Tölvupóstur: ingibjorg.edvaldsdottir@thjodminjasafn.is

‍

Myndir

No items found.
Fylgstu með

Skráðu þig á póstlista Þjóðminjasafnsins.

Þegar þú skráir þig á póstlista Þjóðminjasafnsins færðu boð á sýningaropnanir, fréttir af viðburðum og sýningum og tilboð í Safnbúð.

Takk!  Staðfestu skráninguna með því að smella á linkinn sem við vorum að senda þér.
Eitthvað fór úrskeiðis. Reyndu aftur.