Bækur

Nesstofa við Seltjörn

Girls in traditional costumes.
Bækur

Nesstofa við Seltjörn

Bókin Nesstofa við Seltjörn eftir Þorstein Gunnarsson arkitekt hefur verið tilnefndtil Íslensku bókmenntaverðlaunanna í flokki fræðirita og bóka almenns efnis fyrir árið 2022. Útgefandi er Þjóðminjasafn Íslands. Bækurnar eru harðspjalda en einnig eru til nokkur viðhafnareintök, strigaklædd með lauskápu

Gerð

Viðhafnarútgáfa, kápan úr vínrauðum striga með lauskápu. Takmarkað magn.

13.250 kr.
á lager

Lýsing

Bókin Nesstofa við Seltjörn hefur verið tilnefnd til Íslensku bókmenntaverðlaunanna í flokknum fræðirit.

Nesstofa við Seltjörn var reist 1761-1767 sem embættisbústaður Bjarna Pálssonar, fyrsta landlæknisins á Íslandi. Árið 1772 var húsinu skipt milli hans og Björns Jónsonar, fyrsta lyfsalans á Íslandi. Árið 1834 var húsið selt og starfsemi landlæknis og lyfsala flutt til Reykjavíkur. Í þessari bók er byggingarsaga Nesstofu rakin og sagt frá helstu breytingum, sem á henni voru gerðar í tímans rás, auk þess sem brugðið er upp svipmyndum af lífi og störfum fólksins í Nesi eftir því sem heimildir leyfa.

Í þessari bók er byggingarsaga Nesstofu rakin og sagt frá helstu breytingum, sem á henni voru gerðar í tímans rás, auk þess sem brugðið er upp svipmyndum af lífi og störfum fólksins í Nesi eftur því sem heimildir leyfa. Þá er fjallað ítarlega um um endurreisn hússins, sem unnin var af Þjóðminjasafni Íslands í tveimur áföngum, 1980-1986 og 2004-2008, með það markmiði að færa húsið eins nálægt upprunalegri gerð og kostur væri með áherslu á sögulegt gildi þess og byggingarlist; veitir sú frásögn innsýn í vinnuna við endurreisn firðaðra húsa, byggingarsögulegarrannsóknir, hönnun, og smíði.

Danski húsameistarinn Jacob Fortling teiknaði Nesstofu. Í bókinni er rækilegt yfirlit yfir húsagerð hans á heimslóðum, byggingarlist Nesstofu skýrð með hliðsjón af meginþáttum húsagerðar, rými, formi og nytsemd, og öðrum mannvirkjum hans á Íslandi gefinn gaumur, það á meðal Bessastaðastofu, en einnig viðbyggingum við Hóladómkirkju, stöpli og skrúðhúsi, sem höfundur færir rök fyrir að séu verk Fortlings.

Þorsteinn Gunnarsson er arkitekt frá Listháskólanum í Kaupmannahöfn og nam einnig byggingarfornleifafræði við franska fornleifaskólann í Aþenu. Hann hefur hannað endurgerð margra sögulegra bygginga, stundað rannsóknir á steinhúsum átjándu aldar og íslenskri húsagerð +á miðöldum og skrifað bækur um hvort tveggja. Hann ritstýrði bókaflokknum Kirkjur íslands.

Þjóðminjasafnið gaf út árið 2022.

Fylgstu með

Skráðu þig á póstlista Þjóðminjasafnsins.

Þegar þú skráir þig á póstlista Þjóðminjasafnsins færðu boð á sýningaropnanir, fréttir af viðburðum og sýningum og tilboð í Safnbúð.

Takk!  Staðfestu skráninguna með því að smella á linkinn sem við vorum að senda þér.
Eitthvað fór úrskeiðis. Reyndu aftur.