Háskólar
Sýningar Þjóðminjasafnsins eru opnar háskólanemendum í skipulögðum skólaheimsóknum án endurgjalds. Valið stendur á milli háskólakynningar fyrir nýnema, þemaleiðsögn um efni að ósk kennara eða heimsókn á eigin vegum þar sem kennari sinnir fræðslunni eða nemendur skoða sýningar sjálf og vinna e.t.v. verkefni.
Viltu bóka heimsókn?
Háskólakynning
Þjóðminjasafnið býður upp á kynningu á starfsemi safnsins fyrir þau sem eru að hefja nám á háskólastigi. Kynningin tekur um eina og hálfa klukkustund og felst í glærukynningu í fyrirlestrasal eða kennslustofu og stuttri leiðsögn um sýningar safnsins. Heimsóknin nýtist einkum nemendahópum í inngangsnámskeiðum í hug- og félagsvísindum.
Bóka heimsóknÞemaleiðsögn um efni að ósk kennara
Velkomið er að koma með sérstakar óskir um umfjöllunarefni og áherslur leiðsagnar. Safnkennarar leiða heimsóknina og hafa verður í huga að þeir eru fyrst og fremst sérfræðingar í sýningum safnsins en ekki tilteknum akademískum fögum.
Bóka heimsókn
Heimsókn á eigin vegum
Kennurum er frjálst að veita nemendum eigin leiðsögn um sýningar. Þessar heimsóknir þarf að bóka. Sá möguleiki er einnig fyrir hendi að nemendur komi á eigin vegum á sýningar og standi skil á heimsókninni gagnvart kennara. Í þeim tilfellum er best að senda nemendalista og tímabil sem óskað er eftir að nemendur nýti ókeypis aðgang að safninu á netfangið kennsla@thjodminjasafn.is.
Bóka heimsókn
